Tamil Tech Information » மென்பொருள்

விண்டோஸ் 7 புதுப்பித்தல் ஆலோசகர்

கார்த்திகேயன் — Sat, 09 May 2009 03:41:33 +0000

மைக்ரோசாப்ட் நிறுவனம் விண்டோஸ் 7 RC ஐ அறிமுகப்படுத்தியது, ஆனால் உங்கள் கணினி விண்டோஸ் 7ஐ நிறுவ ஏற்றதா ? என்று எவ்வாறு சோதிப்பது ? பலர் தங்கள் கணினியை இன்னும் விண்டோஸ் XPயின் வடிவமைப்பை வைத்துள்ளனர்.
இப்படி இருக்க என்ன என்ன வன்பொருள் தேவைகளை மாற்ற வேண்டும் என்று தெரிந்து கொள்ள மைக்ரோசாப்ட் நிறுவனம் Windows 7 Upgrade Advisor Beta என்ற நிரலை தருகிறது, இதை நிறுவி உங்கள் கணினியின் எந்த எந்த வன்பொருள் மற்றும் இயக்கிகளை விண்டோஸ் 7 ஏற்றுக் கொள்ளும் என்ற பட்டியலை காட்டுகிறது அது மட்டும் இல்லாமல் எந்த எந்த வன்பொருள் மற்றும் இயக்கிகளை(drivers) புதுப்பித்தல் செய்ய வேண்டும் என்ற தகவலையும் தருகிறது. இதனால் நாம் யாரிடமும் சென்று விண்டோஸ் 7 வடிவமைப்பு பற்றி கேட்க வேண்டியதில்லை.

Windows 7 Upgrade Advisor Beta தரவிறக்கம் செய்ய இங்கே சொடுக்கவும்.

குறிப்பு : இந்த மென்பொருளை நிறுவி இயங்க வைக்க உங்களிடம் விண்டோஸ் விஸ்டா அல்லது விண்டோஸ் XP SP2 இருக்க வேண்டும்,நீங்கள் விண்டோஸ் XP வைத்திருந்தால் .NET 2.0 Framework or higher நிறுவி இருக்க வேண்டும். அப்பொழுது தான் இந்த Windows 7 Upgrade Advisor Beta இயங்கும்.

உங்கள் கணினி விண்டோஸ் 7 – XP Modeக்கு அனுசரணை வழங்குமா ?

கார்த்திகேயன் — Thu, 07 May 2009 02:05:51 +0000

போன பதிவில் விண்டோஸ் 7 விண்டோஸ் XP யை virtual முறையில் இயங்க வைக்கும் என்று கூறியிருந்தோம்.

ஆனால் இந்த வசதியை பயன்படுத்த உங்கள் கணினியின் வன்பொருள் உங்களுக்கு அனுசரணை (Support) வழங்குமா என்று எவ்வாறு பரிசோதிப்பது பற்றி இந்த பதிவில் பார்ப்போம்.

விண்டோஸ் XP mode உங்கள் விண்டோஸ் 7ல் இயக்க கீழே குறிப்பிட்டுள்ள கணினி வன்பொருள் தேவைப்படும்.

2 GB RAM memory recommended
15 GB free hard disk space for XP mode
1 GHz 32-bit / 64-bit processor
CPU should support hardware virtualization

மேலே குறிப்பிட்டுள்ள தேவைகளில் முதல் மூன்றும் (Hardware) வன்பொருள் தேவைகள் அதனால் உங்கள் கணினி பழைய கணினி அல்லது தேவைக்கு குறைவாக இருந்த்தால் நீங்கள் வன்பொருளை மாற்ற வேண்டும். கடைசியாக குறிப்பிட்டுள்ள (hardware virtualization) இதை தெரிந்து கொள்ள உங்கள் mother boardல் உள்ள Processor Intel அல்லது AMD வகை சார்ந்த வகையாக இருக்க வேண்டும்.

Intel Porcessor என்றால் Intel Processor Identification Utility என்ற நிரலை தரவிறக்கம் செய்து தெரிந்து கொள்ளலாம்.

AMD Processor என்றால் AMD Hyper-V Compatibility Check tool என்ற நிரலை தரவிறக்கம் செய்து தெரிந்து கொள்ளலாம்.

CPU Technologies என்ற tabல் கிழே உள்ள படத்தை போல காண்பிக்கும். எனது கணினி virtualization technologyக்கு அனுசரணை வழங்கவில்லை அதனால் (NO) என்று காண்பித்துள்ளது.

இணையத்தில் பாதுகாப்பாக உலாவ – AVG LinkScanner

கார்த்திகேயன் — Tue, 21 Apr 2009 17:56:10 +0000

இணையத்தில் பாதுகாப்பாக உலாவ AVG Link Scanner என்னும் இலவச மென்பொருள் மூலமாக உங்களை நீங்களே பாதுகாத்துக் கொள்ளலாம்.

பெரும்பாலும் பலரும் தேடு பொறியை உபயோகபடுத்தும் போது பல தேவையில்லாத கெடுதியான தளங்கள் தேடு பொறியில் சிக்கும் அப்போது இந்த AVG Link Scanner மூலமாக கெடுதியான தளங்களை அறிந்த்து கொள்ளலாம் அது மட்டும் இல்லாமல் AVG LinkScanner ஒவ்வோரு தளத்தின் IP முகவரி, கடைசியாக பரிசோதித்த தேதி மற்றும் அத்தளம் நல்ல தளமா அல்லது தீய தளமா என்று சொல்லிவிடும். இந்த மென்பொருள் Internet explorer மற்றும் Firefox இணைய உலாவியில் மட்டுமே இயங்கும்

AVG Link Scanner தரவிறக்கம்

Wamp இலவச வழங்கியல்

கார்த்திகேயன் — Wed, 15 Apr 2009 17:21:41 +0000

குறுக்கு பதிவு : http://ria.tamiltech.info

அன்பு வாசகர்களுக்கு கடந்த மாதங்களில் ஒரு பதிவும் செய்யவில்லை, இருந்தாலும் வாசகர்களின் எண்னிக்கை அதிகரித்துள்ளது எனவே தொடர்ந்து எழுதலாம் என முடிவு செய்துள்ளேன். அது மட்டும் இல்லாமல் இனிமேல் http://tamilphp.blogspot.com என்ற முகவரியில் இருந்து http://ria.tamiltech.info என்று மாற்றியுள்ளேன்.

சரி இன்று Wamp வழங்கியல் பற்றி பார்ப்போம். நாம் ஏற்கனவே Xampp வழங்கியல் பற்றி பார்த்திருந்தோம் ஆனால் அதை விட சிறந்ததாக இந்த Wamp நிரல் விளங்குகிறது.

இந்த WampServer 2.0g-1 நிரலில் Apache 2.2.11, PHP 5.2.9-1 + PECL, SQLitemanager, MySQL 5.1.32, Phpmyadmin போன்ற நிரல்கள் பொதியாக கொடுக்கப்பட்டுள்ளன.

இவை அனைத்தையும் ஒரு சொடுக்கில் நிறுவி விடலாம். நிறுவிய பின் start–> Wampserver –> Start Wampserver என்று திறந்தால் போதும். உங்களின் system trayயில் ஒரு புதிய நிரல் ஓடிக்கொண்டிருக்கும் அதை சொடுக்கினால் போதும் உங்களுக்கான தெரிவை தேர்ந்தெடுத்துக் கொள்ளலாம்.

இந்த wamp வழங்கியலில் பல வசதிகள் உள்ளன MySQL வேலை செய்ய தனி (Console) முனையம், நீங்கள் programmil ராஜா என்றால் இந்த நிரலை உங்களுக்கு தகுந்த மாதிரி மாற்றிக் கொள்ளலாம்.

இந்த நிரலை தரவிறக்கம் செய்து கொள்ள கீழே உள்ள முகவிரியை சொடுக்கவும்.

http://www.wampserver.com/en/download.php

பெரிய அளவுள்ள கோப்புகளைத் துண்டு துண்டுகளாக்க

தமிழ்நெஞ்சம் — Mon, 06 Apr 2009 15:52:05 +0000

நேற்று ஒரு கோப்பினை டோரண்ட்(torrent) உதவியுடன் இணையிறக்கம் (download) செய்தேன். அதன் கொள்ளளவு 11GB. அதை நான் DVD ல் பதிவதற்கு முயற்சித்தேன்.

ஆனால் டிவிடி வட்டின் (DVD Disk) கொள்ளளவோ 4.7 GB தான். அதில் வழக்கமாக அதிகபட்சமாக 4.37GB வரைதான் நான் எழுதுவேன்.

11GB அளவுள்ள பெரிய கோப்பு (large file) அதுவும் ஒரே கோப்பாக உள்ளதை எப்படி DVDல் ஏற்றுவது? இதற்காக ஏதேனும் துண்டாக்கும் (splitter) மென்பொருட்கள் உள்ளனவா என இணையத்தில் தேடினேன்.

GSPlit என்கிற மென்பொருள் கிடைத்தது. இதன் உதவியுடன் மிக எளிதாக 3 கூறுகளாக ஆக்கினேன். மூன்று கூறுகளையும் தனித்தனி டிவிடிகளில் எழுதி பாதுகாப்பாக வைத்துவிட்டேன். இது ஒரு இலவச மென்பொருள் (freeware).

பல்லூடகங்களான (Multi media) இசை, பாட்டு, காணொளி (video), படங்கள், மிகப்பெரிய அளவிலான கோப்புகள் போன்றவற்றை சுக்குச்சுக்காக துண்டுதுண்டாக ஆக்கி டிவிடிகளில் ஏற்றுவதற்கு அருமையான இலவச மென்பொருள் இது என்றால் மிகையில்லை.

இப்படித் துண்டாக்கிய கோப்புகளை CD, DVD, USB, Zip Disk மற்றும் mobile phone களில் ஏற்றிக்கொள்ளலாம்.கோப்புப் பகிர்வான் (file sharing sites) தளங்களில் ஏற்றிப் பகிர்ந்து கொள்ளலாம். நண்பர்களுக்கு அனுப்பலாம். தரவிறக்கம் (download) செய்ய கீழ்க்கண்ட சுட்டியைச் சொடுக்கவும்.

சுட்டி : http://www.gdgsoft.com/gsplit/index.aspx

வந்த பாதை : mynameisideal

101 மிகச்சிறந்த மென்பொருட்களும், தளங்களும் உங்களுக்காக

தமிழ்நெஞ்சம் — Tue, 31 Mar 2009 14:04:17 +0000

இணைய உலகில் வசிக்கும் இணைஞர்களுக்கு ஒரு நற்செய்தி.

எத்தனை மென்பொருட்கள் வணிகரீதியிலாக (commercial) வெளிவந்தாலும், ஒவ்வொன்றையும் விஞ்சும் வகையில் நல்ல மென்பொருட்களாகவும் மிகத் தரமானதாகவும், மேலும் இலவசமாகவும் கிடைக்கும் அருமையான 101 பயன்பாடுகளை (freeware applications) வரிசைப்படுத்தியுள்ளனர்.

101 Freeware Applications for you

அலைபேசி, கணினி, சமூகக் குழுமங்கள் (social groups) இப்படிப் பலதரப்பட்ட பிரிவுகளில் அமைந்த 101 மென்பொருட்களும், இணையத்தளங்களும் – நெடிய ஆராய்ச்சிக்குப் பிறகு சான்றழிக்கப்பட்டு வெளியிடப்பட்டுள்ளன.

கணினித் திறனை மேம்படுத்துபவை (enhance), பாதுகாப்புத் தன்மையை அதிகரிப்பவை, இசை, புகைப்படம், காணொளி (video) ஆகியவற்றைக் கையாளும் வகையில் அமைந்துள்ள மென்பொருட்கள் போன்றவையும் இதில் அடக்கம்.

11 பிரிவுகளாகப் பிரிக்கப்பட்டதில் ஒவ்வொரு பிரிவிலும் மிகமிகச் சிறந்ததையும் குறிப்பிட்டுள்ளனர்.

அகர வரிசைப்படி மிகமிகச் சிறந்தவை கீழே:

>> Advanced SystemCare Free
>> Avast Home Edition
>> Digsby
>> DVD Flick
>> Gmail Labs
>> Google Calendar Sync
>> List.it
>> OpenOffice.org
>> PhotoPerfect Express
>> Qitera
>> Shazam
>> Songbird
>> Windows Live Sync
>> Wubi Ubuntu Installer

இங்கே சொடுக்கி அனைத்துப் பயன்பாடுகளையும் பார்வையிடவும்.

கணினி விளையாட்டுகளைத் தரவிறக்கம் செய்ய 5 தளங்கள்

தமிழ்நெஞ்சம் — Thu, 26 Mar 2009 05:39:53 +0000

கணினி விளையாட்டுகளை விரும்பாதவர்களை விரல் விட்டு எண்ணி விடலாம். என் நண்பர் ஒருவர் எந்த நேரமும் கணினியில் விளையாடிக்கொண்டே இருப்பார். எங்கிருந்தாவது புதிய புதிய விளையாட்டுகளை தரவிறக்கம் செய்து விளையாடி மகிழ்வார்.

“வாழ்வது ஒரு முறை – நமக்கென வாழ்வதே நன்முறை”- என்பது அவரது தத்துவம்.

Free Games

பழைய விளையாட்டுகள் போரடித்தால் உடனே புதிய விளையாட்டுகளை தரவிறக்கம் செய்ய ஆரம்பித்து விடுவார். நீரில்லாத மீன் எப்படித் துடிக்குமோ – அதே போல அவரது மனம் படபடவென்று துடிக்க ஆரம்பித்துவிடும்.

அவரே எனக்கு இந்த தளங்களை சிபாரிசு செய்தார். இங்கே முற்றிலும் இலவசமான கணினி விளையாட்டுகள் உங்கள் தரவிறக்கத்துக்காகக் காத்திருக்கின்றன. உங்கள் பணப்பையில் இருந்து பணம் செலவு செய்யத் தேவையில்லை. கடன் அட்டை மூலம் கணினி விளையாட்டுகள் வாங்கத் தேவையில்லை.

அந்தத் தளங்கள் இதோ:

கலைச்சொற்கள்:
கணினி விளையாட்டுகள் – Computer Games
தரவிறக்கம் – Download
பணப்பை – Wallet
கடன் அட்டை – Credit Card

யு எஸ் பி கருவிகளின் செயல் வேகத்தை அளவிடுவது எப்படி?

தமிழ்நெஞ்சம் — Wed, 25 Mar 2009 15:01:20 +0000

புதிதாக ஒரு USB வகையைச் சேர்ந்த Flash Drive வாங்கி இருப்போம். அதன் செயல் வேகத்தை அத்துடன் ஒரு கையேட்டில் குறித்திருப்பார்கள். ஆனால் அது உண்மை தானா?

உண்மையிலேயே ஒரு USB 2.0 வகையைச் சேர்ந்த நினைவகக் கருவியானது (memory device) அதன் செயல்பாட்டை நல்ல முறையில் நடத்துகிறதா?

இந்தக் கேள்விகளுக்கான விடையளிக்கும் விதமாக அமைந்ததே இந்தப்பதிவு.

இந்த மென்பொருட்களை இயக்கும்போது தற்காலிகமாக கோப்புகளை (temp files) எழுதிப் பார்க்கும். அப்படி எழுதிப் பார்க்கும்போது என்ன வேகத்தில் இயங்குகிறது என்பதை திரையில் காண்பிக்கப்படும்.

ஃப்ளாஷ் டிரைவ்களின் வேகத்தை அளவிட 5 மென்பொருட்களை (software applications) இங்கே காண்போம்.

USB 2.0 கருவிகளின் வேகம் மிகவும் பிரமிப்பூட்டுபவை.

480Mbps மற்றும், USB 1.1 ஐவிட 40 மடங்கு அதிரிக்கப்பட்ட வேகமாகவும் இயங்குபவை.

கணினியின் தேவையற்ற காலி ஃபோல்டர்களை அழிப்பதற்கு

தமிழ்நெஞ்சம் — Tue, 24 Mar 2009 19:00:35 +0000

நம் கணினியில் இயங்குதளத்துடன் (Operating System) வேறு ஏதேனும் மென்பொருட்களை (Software applications) நிறுவும்போது, சில ஃபோல்டர்கள் உருவாகும். பின் வேறு ஒரு காரணத்துக்காக அந்தப் பயன்பாட்டினை கணினியிலிருந்து அழிப்பதற்காக Uninstall செய்வோம். ஆனால் அது குறிப்பிட்ட சில ஃபோல்டர்களை (folders) அழிக்காமலேயே விட்டுவிடும்.

இது போல கணினியில் தேவையில்லாத காலி ஃபோல்டர்கள் (empty folders) நிறைய உருவாகி இருக்கும்.தவறுதலாக நாமே New Folder உருவாக்கி இருப்போம்.ஆனால் அழிக்க மறந்திருப்போம்.

இப்படி நம் கணினியின் வன் வட்டு என்றழைக்கப்படும் hard disk ல் ஏற்கனவே உருவாகி இருக்கக்கூடிய அனைத்து empty folders ஐயும் கண்டுபிடித்து அழிப்பதற்காக ஒரு மென்பொருள் உள்ளது. அதன் பெயர் Fast Empty Folder Finder.

இதன் மூலம் தேவையற்ற காலி ஃபோல்டர்களை கண்டறிவதுடன் அவற்றை ஒரேயடியாக அழித்துவிடவும் செய்யலாம். இப்படிச் செய்த பிறகு கணினியின் hard diskன் செயல்பாட்டின் வேகம் அதிகரிக்கும். நல்ல இயங்குதிறன் நமக்குக் கிடைக்கும்.

தரவிறக்கச் சுட்டி : உங்களுக்கு இந்தப் பயன்பாட்டினைப் பிடித்திருந்தால் இங்கே சொடுக்கி தரவிறக்கம் செய்யலாம்.

VSoft ரேபிட்ஷேர் தரவிறக்கி

தமிழ்நெஞ்சம் — Tue, 24 Mar 2009 05:16:39 +0000

ரேபிட்ஷேர் (Rapidshare)எனப்படும் கோப்புப்பகிர்வான்(file sharing) தளத்தில் உலகமெங்கும் உள்ள பயனர்கள் (users) எண்ணற்ற கோப்புகளை (files)ஏற்றி வைத்துள்ளனர். ஏற்றப்பட்ட (uploaded) கோப்புகளின் சுட்டிகளை (links) பிறருக்குச் சொல்லிவிடுவார்கள். அந்தச் சுட்டி தெரிந்தவர்கள் இணையிறக்கிக் (download)கொள்ளலாம்.

இந்தக் கோப்புகளின் சுட்டியை ஏதேனும் ஒரு உலவியின் (browser) முகவரிப் பகுதியில் உள்ளிட்டால், இலவசப் பயனர்களுக்காக (free users) 30 முதல் 180 வினாடிகள் வரை காத்திருக்கச் சொல்லும். பின்பு அந்தக் குறிப்பிட்ட கோப்பினை தரவிறக்கம் / இணையிறக்கம் செய்ய அனுமதி கொடுக்கும்.

ஆனால் இலவசப் பயனர்களுக்கான நிபந்தனைகள் (restrictions) நிறைய இருக்கின்றன.

Rapidshare Downloader

1) அவற்றுல் மிக முக்கியமான ஒன்று குறிப்பிட்ட வினாடிகள் வரை காத்திருத்தல் வேண்டும்.
2) ஒரே நேரத்தில் ஒரு கோப்பு மட்டும்தான் தரவிறக்க இயலும்.
3) ஒவ்வொரு கணினியின் ஐபி. முகவரியை (IP Address) ரேபிட்ஷேர் நினைவில் வைத்துக்கொண்டுதான் தரவிறக்க அனுமதி கொடுக்கிறது.
4)ஒரே ஐபி முகவரி வாயிலாக ஒரே நேரத்தில் ஒன்றுக்கு மேற்பட்ட கோப்புகளை இணையிறக்க அனுமதி அளிக்காது.
5)இதனால் நாம் மிகுந்த பொறுமையுடன் ஒன்றொன்றாக தரவிறக்கம் செய்ய வேண்டும்.

நம்மிடம் 10 சுட்டிகள் இருக்கின்றன. அனைத்தையும் இறக்கிவிட வேண்டும் எனில் ஒவ்வொன்றாகச் செய்தால் நிறைய நேரமிழப்பு நேரிடும்.ஆதலால் குறைந்த பட்சம் அடுத்தடுத்த கோப்புகளையாவது ஒரு Que வரிசையில் தொடர்ச்சியாக தரவிறக்கம் செய்ய அனுமதியளிக்கும் வகையில் உதவும் ஒரு மென்பொருளை இணையத்தில் கண்டேன்.

சிறப்பம்சங்கள் :

அனைத்து தரவிறக்கமும் முடிந்தவுடன் கணினியை அணைத்து அதன் இயக்கத்தை நிறுத்திவிட இயலும். (auto shutdown)

English , Farsi , French ஆகிய மூன்று மொழிகளுடன் ஏற்புடையதாக உள்ளது.

தரவிறக்கச் சுட்டி : http://www.vsoft.ir/files/RAD3.4.zip

குறிப்பு : மைக்ரோசாப்ட் டாட்நெட் 2.0 (Microsoft dotnet framework) வாயிலாக இந்த மென்பொருளின் நிரலை எழுதி இருக்கிறார்கள். ஆகவே இந்த மென்பொருளை நிறுவதற்கு முன்பாக டாட்நெட் 2.0 வை இறக்கம் செய்து நிறுவிவிடவேண்டும்.